Vawiin chawhma dar 11:00Am khan MADC Forest Hall-ah  EE office,PHED Siaha WATSAN te buatsaihin  Observance of Swachh Prerak Day & Launching of Swachh Survekshan Grameen-2019 programme hman a ni.

Swachh Survekshan Grameen-2019 hi khuallian Pu K.Vanlalthiana, District Bawrhsap charge la mektu in a launched a. Launchna programme-ah thu sawiin,Pu Thiana chuan  kan Siaha district mipui, NGOs, VC te leh sawrkar official te thawhhona a that avangin kan District pawh ODF district a puan kan ni tawh a. Kan Siaha district fai leh fai loh-ah hian  district chhunga cheng mipui ten mawhphurhna sang tak kan nei tih kan hriat theuh kha, faina kawngah tha thla lovin tan i la zual sauh sauh ang u, tiin mipui kalkhawm te a sawm.

Er.NT Jevis,SDO, PHED(Maintenance) chuan an hun hlu tak senga mipui lo kalkhawm te hnenah lawmthu sawiin, Faina Kawnga PHED hmalakna piangah mipui te tawiawmna leh thawhpuina an mamawh reng dawn a ni, a ti.

Er.H.Lalnuntluanga, EE,PHED Siaha WATSAN chuan thusawina hun hmang vein, Swach Prerak leh Swachh Survekshan Grameen-2019 hnuaia an hmalak tawhna leh hmachhawp hrang hrang te  sawiin, Kan siaha district atangin khaw 22 chu khawfai inelna a tel tura thlanchhuah an ni a. Sawrkar laipui atangin endiktu turte lokalin, tehfung hrang hrang hmangin min lo enfiah dawn a ni, a ti.

Vawiin programme hmanna-ah hian Pu. PP.Zalena, President MTP(H) chuan EE Office, PHED Siaha WATSAN hnuaia JE leh SDO faina kawnga hnathawk tha te hnenah lawmman semna hun a hmang  a.

FAINA KAWNGA JE HNATHAWK THA TE:

1) N.Vabeiraha, Rural WATSAN Sub-Div.
2) Lalhmingliana,Rural WATSAN Sub-Div
3)F.Laltlanliana,Maintenance, Sub-Div
4) PK.Guru ng,Maintenance Sub-Div te an ni a.

FAINA KAWNGA SDO HNATHAWK THA TE CHU:-
1) LH Lalmama,SDO Rural WATSAN, Sub-Div. Siaha
2)NT.Jevis SDO, Maintenance Sub-Div. Siaha te an ni.

Khuallian Pu.K.Vanlalthiana pawhin, Best Swachhagrahi te,WATSAN committee ti tha te leh khawfai thlanchhuah te hnenah lawmman, Certificate leh pawisafai semna hun a hmang bawk.

 SWACHHAGRAHI tha 3 thlanchhuah te chu:-
1st----Nuzi,Amôbyuh Vaithie
2nd----N.Lalrodinga,Tipa

3rd---FC Hnaima,Chapi

WATSAN COMMITTEE ti tha 3 te chu:-
1st----Lôbô WATSAN committee
2nd----Laki WATSAN Committee
3rd---Chheihlu WATSAN Committee te an ni.

KHAWFAI 3  thlanchhuah te chu:-
1st ---Zyhno khua
2nd----Lobo khua
3rd-----Siatlai khua te an ni.

Er.LH.Lalmama,SDO PHED Siaha WATSAN in lawmthu sawina in vawiin programme hi a khar ta a ni.