Vawiin chawhma dar 11:00Am khan MADC Forest Hall-ah PHED Siaha WATSAN Division,Siaha bultum in Observance Of World Water Day,2019 hman a ni. He hun hi Pu. Denish Solo, Account Officer, PHED, Siaha chuan a kaihruai a ni.

Er. NT. Jevis, SDO, PHED chuan programme hawn nan World Water Day hman a nih chhante, a pawimawhna leh  atangkaina te sawiin, kalkhawm mipuite hnenah inhmelhriattirna hun a hmang.

Vawiin programme hmanna a Khuallian *Pu.T. Vanlalmalsawmsanga, PD, DRDA* chuan thu sawina hun hmangin, khawvel-ah hian milian leh mite berte pawn kan mamawh, a tel lova kan awm thei lo, kan nitin nunphung a bet tlat chu Tui hi a ni a, mahse chuti chung chuan tui hna humhalhna chang kan la hre lo hi chu a pawi em em a ni, a ti a. Khawvel a tui za a sawmkua leh pasarih (97%) hi tui thianghlim lo mihring leh ransan te tan pawh a ei tlak lo a ni a, 3% chauh hi mihring leh ransate tan a ei tlak leh in tlak a ni tiin,* tui hna humhalh hi kan vaia mawhphurna a ni a, kan lo hrisel zawk theih nan tui hna ti chhetu ni lovin, humhalhtu nih i tum theuh ang u* tiin vawiin a kalkhawmte chu a chah hlawm a ni.

Khualzahawm Pu. PP. Zalena, President, MTP Hqrs, Siaha pawhin thu sawiin, Pathian lehkhabu Thianghlim-ah pawh Tui pawimawh zia kan hmu a, tui leh mihring te hian inzawmna thuk tak kan nei a ni, a ti a. Tui hna humhalh nachang kan hriat loh avanga Tui man to taka kan lei hial a lo ngai ta hi a pawi em em a, ramngaw kan ti chereu nasat em avang hian tui thianghlim kan mamawh khawp kan hmu thei ta lo a ni, a ti a. Tui hna humhalhna kawngah Department te tih turah chauh dah mai lovin mawhphurna kan nei ve a ni tih i hre thar leh ang u tiin vawiin programme chhimtu mipuite chu a chah hlawm a ni.

Vawiin Observance of World Water Day hmanna programme hi Pu. L. Zatluanga, SDO (R), PHED chuan lawmthu sawina hun hmangin a titawp a ni.