4423/2024-2025

Siaha the 25th February 2025: Vawiin chawhma dar 11:00 khan District Hub for Empowerment of Women (DHEW), Women and Child Development, Siaha District buatsaihin Beti Bachao Beti Padhao (BBBP) kum 10 tlin lawmna kalzelah vawiin khan Auto Rickshaw Rally neih a ni a, Siaha District Addl SP chuan he hun hi hmanpuiin rally hi a vailiam a ni.

He Auto Rickshaw Rally-ah hian Pu Beimosia Lapi, Addl Superintendent of Police, Siaha chuan ‘One Nation One Helpline’ chu mipui ten awlsam zawk leh tangkai zawka an hman tlan atana duan a ni chu lawmawm a tih hle thu a sawi. Emergency Helpline 112 chungchangte, Child Helpline 1098, Women Helpline 181 te chu hmang tangkai lehzual tur leh hmeichhia leh naupangte laka hleilenna emaw ti duhdahna tuar hria chuan heng Helpline Number-ah te a thlawn veka engtiklai pawh a biakpawh theih an ni tih tarlangin, tanpuitu leh chhanchhuaktu ni tum theuh turin kalkhawmte a chah bawk a ni.