Vawiin chawhma dar 11:00Am khan DC conference Hall-ah District Election officer leh bawrhsap ni bawk Pu  Bhupesh Chaudhary IAS chuan Final public ation of Photo E/Roll  hun hmanah khuallian niin, Photo E/Roll te chu a tlangzarh ta a ni.

Pu Bhupesh Chaudhary chuan thu sawiin,  Inthlanna thianghlim, langtlang leh huapzo nei tur chuan  Photo E/Roll felfai leh rintlak kan neih hmasak phawt a ngai a. Chutiang E/Roll felfai leh dik nei  tur chuan  Election Branch  thawhrimna chauh a tawk lo va, BLO , BLA,VC, tlawmngai pawl hrang hrang  leh political  party hrang hrang te thurawn leh thawhpuina a mamawh reng a ni.Vawiin E/Roll felfai tak  a hun taka tlangzarh a ni hi a bik takin Election Officer, Pu H.Zonunmawia leh a nau te chungah lawmthu ka sawi tak zet a. E/Roll buatsaihna a tha thawhtu zawng zawng te chungah pawh an thurawn leh thawhpuina avangin lawmthu ka sawi a ni, a ti.

Pu James Lalnunmawia AERO leh Addl DC ni bawk pawhin thu sawina  hun a hmang bawk.

Vawiina E/Roll an tlangzarh tak-ah hian 39-Saiha Constituency hnuaiah voters 21304 awmin, hmeichhe voters 11122 leh mipa voters 10282 an awm mek a. 40-Palak Constituency hnuaiah hian voters 18218 awmin, hmeichhe voters 9167 leh mipa voters 9051 an awm mek bawk. Siaha District pumpuiah voters 39522 an awm mek a, chu ta voters 20289 chu hmeichhia niin, mipa voters zat chu19233 a ni. Voters sex ratio hi 1055 niin, siaha district pumpuia vote punna hi  vote 1062 a ni.

Kumin a E/Roll siam nana thupui vawn chu No voters to be left out( Vote neih theih tumah hmaih loh tur) tih a ni a. Thla thar March ni 2& 3 khian vote neih thei tawh vote la nei lo te tan  polling station tinah Special camp buatsaih a ni dawn a, hetah hian vote neih thar tur ten awlsam takin dilna (Form 6) an la chhuak theih dawn a ni.

DEO hian Political hrang hrang aiawh  te hnenah Photo E/Roll  a hard leh soft Copy a pe chhuak hlawm bawk a ni.