Vawiin chawhma Dar 10:00Am khan DC’s Conference Hall-ah Mizoram State Commission for Women leh Mizoram State Level Legal Services Authority te tangkawp chuan Legal Awareness Programme an buatsaih a. He Legal Awareness Programme Function hi Dr.Lalrindiki Ralte, Member MSCW in kaihhruaiin, Pi Vanlalawmpuii Chawngthu, MLA leh MSCW Chairperson ni bawk chuan a Programme a hawng.

He Legal Awareness Programme-ah hian Pi Vanlalawmpuii chuan Sapram a zin tuma, Mizorama hmeichhia ten VC-a Reservation an neih chungchang a sawi chhuah tuma, “In hnam a la naupang vang nge, hmeichhia te in hmantlak loh vang” tiha zawhna a dawn thu sawiin, VC-a Reservation kan nei te hi kan hnam la naupang vang a nih nachin awmbawk mahse, ram leh khawtlang hruaina-ah hian Reservation mamawh khawpin kan la hmantlak lo tihna pawh a ni thei a ni, a ti a. kan Mipa te hian kohhran, khawtlang leh ram hruaitu atana hmeichhia te min la pawm chiah lo a ni chuan, hman tlaka kan la awm loh vang mai a ni ang. Hman tlaka kan awm hun hun hi Kan mipa ten khawtlang, kohhran leh ram hruaitu-ah min pawm hun a nih dawn avangin hmeichhia te hian hman tlaka kan awm thei nan kawng engkimah kan inbuatsaih zel a ngai a ni, a ti.

Vawiin programme-ah hian Pi Sylvia Z.Ralte, CJM in “Immoral Traffic Prevention Act leh Domestic Violence Act” tih te thupui hmangin mipui kalkhawmte zirtirna a nei a. Pu T.Lalnunsiama, Advocate in “Prevention of Children from Sexual Offences Act ( POCSO) tih thupuia hmangin zirtirna a pe bawk.

Vawiin Legal Awareness programme-ah hian Siaha khawchhunga hmeichhe tlawmgai Pawl hrang hrang aiawh te, Head of Office te, thuthar thehdarhtute , leh sawmbik te an tel kim hle a ni.