World AIDS Day, 2016 chu nimin khan Vairengte ah pawh SDO(C) ruahmanna angin school hrang hrang ah hmangin, zirlai te hnenah HIV/AIDS chungchang zirtirna pek an ni.

Tualchhunga World Aids Day hmang tur hian SDO(C) Team leh MO Team ah inthenin, school pali ah hun hman a ni a. Vairengte SDO(C) Team te hian Vairengte New Secondary School leh Vairengte High school ah hun hmang a. Vairengte CHC Medical Officer Team te hian Gov’t Vairengte High School ah leh St. Henry School ah te hun an hmang thung a ni.

Heng school pahnih ah te hian HIV/AIDS darh zel tur venna lam hawi te, HIV/AIDS natna chungchang leh a inkaichhawn theih dan te, Mizoram dinhmun te zirlai naupangte hnenah hian hrilhin, zirtirna an pe a ni.

Tun dinhmunah Vairengte ICTC hmun a thisen test tawh zawng zawng atangin HIV positive hi mi 125 hmuhchhuah tawh a ni a, heng zingah hian nu naupai mi 23 an tel bawk a ni.