No.5166/2020-2021 

Siaha ; September 17: Vawiin chawhma dar 10:30am khan MADC Forest Hall-ah Krishi Vigyan Kendra(KVK), Siaha district buatsaih Poshan Maah Capacity Development of Anganwadi Workers & Farm Women on Poshan programme hman a ni. He programme hi Dr H. Vanlalhmuliana, Senior Scientist & Head KVK, Siaha chuan a kaihruai a ni.

Vawiin programme-a khuallian Pu. Kesavan R, IAS, Deputy Commissioner, Siaha District chuan thu sawiin, naupang chu an pianhlim atangin chawtha leh hrisel an mamawh em em a, nu hnute tui chu nausen tan chawtha ber a ni. An lo seilen deuh hnu zelah pawh chawtha leh an hriselna atan leh an thanlen zelna a tana pawimawh em em chawtha leh hrisel pek kan uar zual deuh deuh a ngai a, chu chuan puitling an nih thlengin  rilru leh taksa a pui dawn a ni, a ti. Tunlai kan boruak tawnte thlirin Anganwadi Worker te leh hetiang lama hnathawktu zawng zawng te kan fimkhur hle a ngai a, kut sil tam te, Mask vuah nachangte pawh hria a, naupangte hnena zirtirna pawh uluk leh uar zawka kalpui turin a chah hlawm bawk a ni.

Vawiin hun hmanna a sawmbik te - Pu Vabeimozachhi Chozah, BDO, Siaha; Pu Zoramthanga, DAO, Siaha; Pu Lalvansanga, DHO, Siaha; Pu K. Chhihrau, Sr. DAO, MADC, Siaha; Pi Lalhmingi, CDPO; Pu Heibikliana Thangtu, District Co-ordinator, Poshan; Pi C. Vanlalhruaii, Block Mission Manager, Siaha RD Block; te pawhin Poshan Maah chungchangah thuchah tawi sawina hun an hmang ve bawk a ni.

Pi Sisi, Subject Matter Specialist (Horticulture) KVK, Siaha District chuan Power Point Presentation hmangin  Model of Nutri-garden, Bio-fortified varieties in nutrition leh Package of practices of vegitables & Horticulture Crops tih thupui hmangin zirtirna hun a hmang a, Pi B. Hmingthanzami, Subject Matter Specialist (Home Science) KVK, Siaha district pawhin Nutri-thali for balanced diet tih thupui hmangin zirtirna hun a hmang ve bawk a ni.

Zawhna leh chhanna hunte huangzau taka neih niin, programme kar lakah zaithiam Nl. Bethsebi Khithie zaite ngaithlak a ni a. Anganwadi Workers leh Farm Women te Nutri-garden a chin tur Indian Council of Agriculture Research (ICAR), Krishi Vigyan Kendra (KVK) leh Indian Farmers Fertiliser Cooperative Limited (IFFCO) te thlai chi packets bakah Tomato seedlings tha chi semna te neih a ni hnuah Dr. Lalzaidami, Subject Matter Specialist ( AH&Vety) KVK, Siaha District chuan lawmthu sawiin vawiin programme hi a titawp a ni.