Tukin zing dar 7Am khan Poshan Abhiyaan (National Nutrition Mission), Siaha ICDS Project hmalaknain Rastriya Poshan Maah (National Nutrition Month) hman meka hmalakna pakhat atan Poshan Rally, Siaha, Vaihpi Field atangin Siaha DC Office thleng neih a ni.

He hun hi Pu H. Zonunmawia, Election Officer,Siaha District,  Siaha ICDS Staff te leh Anganwadi Workers thahnem takin an telpui a ni.

 Pi Heipaw Hlychho, Circle Officer, Siaha ICDS in programme kaihruaiin he hun hmang tura kal khawm te Oath taking (Eiin tha ei pawimawh zia inzirtirna kawnga midangte hnena zirtirna pe chhawng zel tura intiamna) a neihpui.
Pu H. Zonunmawia, Siaha District Election Officer chuan Rally flag-off programme tawite hmanah thu sawiin,  kan rama eiin tha tlakchhamna avanga harsatna hrang hrang thleng thin sut kianna kawnga ICDS hnuaia thawktu zawng zawngte pawimawh zia  sawiin, tukina thutiam an lakte pawh a taka zawmtu ni theuh turin a chah hlawm hnuin, Rally hi a vailiam nghal bawk a ni.

He Rally in a tum ber chu kan rama eiin tha kan taksa in a mamawh ang ei nachang kan hriatloh avanga kan taksa in harsatna hrang hrang a tawh ?hinte sutkiana a awm theih nana mipuite hnena kan taksa in a mamawh ang eiin tha,  ei-in nachang hre tura inzirtir leh chu mi kawnga naupang te tana sorkarin Anganwadi kaltlanga hamthatna a chhawpchhuah sak te a zar kan zo theihna tura kan tu leh fate Anganwadi Centre-a kal tir nachang kan hriat a, ngaihpawimawh hi a ni.

Pu Heibikliana Thangtu, District Co-ordinator, Poshan Abhiyaan, Siaha ICDS Project in kalkhawmte hnenah lawmthu sawina neiin he hun hi tihtawp a ni.