Vawiin chawhma dar 10:00Am khan DC Conference Hall-ah AH&Vety Dept bultumin  Awareness campaign on Animal Disease Surveillance  huaihawt a ni.

He Awareness Campaign hi    District Bawrhsap mawhphurhna la mektu Pu H. Zonunmawia,Election Officer chuan khuallian niin a hawng.  Pu Zonunmawia chuan thu sawiin,  Ran hri lengin  kan ram economy a nghawng nasat hle a,  ran hri leng laka himna tha ber chu  ram dang atanga ran chawhluh loh leh tualchhung ran a intodelh tura hmalak hi a ni, a ti.

He campaign in a tum ber chu, Mizorama ran hrileng dinhmun zirchian leh hrileng darh zel loh nan a hmalak te, ran hrileng mai thei lak a in ven dan tur zir ho te,ran hri a len lohna tur a ramdang leh hmundang atanga ran lakluh a nih loh nan a hmalak te a ni.

Heng bakah hian  kum 2023 ral hmaa  Mizoram chu Ran hrileng awm lohna (Animal disease free) state  a siam  leh Mizoram hi bawnghnute, Artui leh Sa a intodelh tir mai chauh ni lova, State leh ram pawn thlenga thawnchhuak theih tura khawpa  ran vulh lam a tan lak te a ni.

Ran hrileng laka kan  lo him theih nan hetiang hian mipui hnenah zirtirna pek a ni:-

1) Ram dang atangin ran vulh tur eng chi mah lakluh tur a ni lo.

2) Ran hrisel tha tih hriat chian chauh lei thin tur a ni

3)Ran lei thar  reng reng ran vulh lai te nen a dahfin nghal mai lova,  ni 30 tal dah hran phawt tur a ni.

4) Ran in chu midang tlawh tir lova midang ran in poh tlawh mai mai loh tur a ni.

5) A hun takah hri venna vaccine pek thin tur a ni

6) Ran in leh a vel  te ,  ranvulhna hmanrua leh bungrua te regular taka damdawi hmanga silfai (disinfected) thin tur a ni.

7) Ran a dam loh  emaw a thihin emaw Vety dep-ah report  vat a, mithiamte rawn vat thin tur a ni

8)  Ran damlo hralh chhuah loh tur“9) Ran thisawn sa mahni mihring pui te ei tur a hralh chhuah loh tur.

10) Ran a thi chu  thuk taka lei laia, uluk taka phum thin tur a ni.

Vawiin Ran Hri leh hrileng chungchanga Awarenes beihpui thlak tur hian Aizawl atangin mithiam pathum:Dr.Lalnunhlima Ralte,Dy.Director(Epidemiology), Dr.F.Laltanpuia, Dy.Director (Hospital) leh Dr.Esther Lalzoliani,VO(Diseases investigation) te an lo kal a ni.