655/2023-2024

Siaha; the 1st June,2023: Vawiin chawhnu dar 1:00PM khan DC Conference Room-ah kumin 2023-a Siaha District a REMNA NI kan hman dan tur relin REMNA NI celebration committee member te thu khawm.Meeting hi district bawrhsap Pu Lalhmunsanga Hnamte in a kaihruai a ni.

Vawiin meeting chuan REMNA NI lawmna programme hi Govt Saiha College,Siaha Seminar Hall-ah tahrik ni 30/6/2023 chawhma dar 11:00Am a hmang turin a rel a. Khuallian hi Mizoram Sawrkar in a lo ruat tura beisei a ni a.Remna Ni-2023 lawmna Programme chairman atan bawrhsap Pu Lalhmunsanga ruat a ni. Lawmna detail programme pawh meeting hian a duang fel nghal a ni.

REMNA NI vuakvet leh a ni takah hian REMNA NI lawmna pual in Health Camp te,Peace Walk te, Blood Donation Drive te,Thingtiak Phun te,Quiz & Essay Competitions te leh Photography Exhibition te buatsaih tum a ni a. Heng REMNA NI lawmna puala hmalakna hrang hrang te buaipuitu tur office leh mimal te pawh meeting hian a ruat nghal a ni.