No.7209/2020-2021 

Vawiin chawhma dar 10:00Am khan DC's Conference Hall-ah District Road Safety Committee buatsaihin Road Safety Month, 2021 hawnna programme hman a ni. Kumin Road Safety Month thupui a tan _'Fimkhur la, Nun humhim rawh'_tih hman a ni. He Road Safety Month, 2021 hi vawiin ni 18.01.2021 - 17.02.2021 chhung a awh dawn a ni. He Road Safety Month hawnna programme hi Pu T. Vanlalsanga, UDC, District Transport Office, Siaha chuan a kaihruai a ni.

Vawiin Road Safety Month, 2021 hawnna a khuallian Pu Kesavan R, IAS, Deputy Commissioner, Siaha District chuan thu sawiin, kumin Road Safety Month, 2021 chhung chauh ni lovin kum tluanin tuna kan thupui 'Fimkhur la, Nun humhim rawh' tih hi Lirthei khalhtuten vawng reng ila, Lirthei neihtute leh khalhtute pawhin Sawrkar dan siamte pawh zawm zel tum ang u, a ti. Mizoram a ka thil hmuhchhuah pakhat tha ka ti em em chu 'Dan kan zawm tlatna leh thuawihna nun kan neih hi a ni,' a ti a. Lirthei khalhtute leh Lirthei neihtute pawhin sawrkar dan siam hi tunai a nasa lehzuala zah thiam a, zawm zel tum a, Dan kengkawhtu lam pawhin a nihna ang taka dan lekkawh ngam turin leh taima taka an mawhphurhna theuh hlen tum theuh turin a chah hlawm bawk a ni.

Pi Lalnunmawii, MCS, District Transport Officer, Siaha District, Siaha chuan lawmthu sawiin he Road Safety Month, 2021 hawnna hun hi a titawp a ni.