3375/2022-2023

Siaha; the 26th January,2023: India ram hmun dang te rualin, Siaha-ah pawh ropui tak leh urhsun taka Republic Day vawi-74 lawmna Programme District Playground-a zinglam dar 8:30Am atanga hman tan a ni.

Pu Lalsangliana,District bawrhsap chuan khuallian niin, India hnam puanzar a pawtparh a, chu chu Gov't Siaha High School ten National Anthem in an lo chhang a ni.

Khuallian chuan Republic Day-2023 thuchah sawiin India ramin ama kutke ngeia dinga, amah ngeiin ro a inrel tanna ni Republic Day vawi 74-na pualin mipui kallhawm te duhsakna chibai a buk a. Vawiina Republic Day vawi 74-na kan lawm meklai hian, British sawrkar awpbehna atanga min hruaichhuaktu; kan hruaitu hmasa: Mahatma Gandhi,Jawaharlal Nehru, Sardar Vallabhbhai Patel,Subhas Chandra Bose leh midang hruaitu chhuanawm tamtak te ram tana an inpekna leh tawrhna te, ram an hmangaihna leh rinawmna te, an huaisenna leh dikna te kha; kan rilruah thar nawn leh se, an hniakhnung zuitu rinawm kan ni a, India khua leh tui tha ni tura kan mawhphurhna te min hriat nawn tir leh se la, chung kan mawhphurhna te kan hlen leh theuh theih nan duhsakna ka hlan bawk a che u, tiin Republic day thuchah a sawi. Khuallian chuan Siaha district in a Department hrang hrang kaltlanga hmasawnna hrang hrang a neih te, a thu sawiah a tarlang a ni.

Vawiin Republic Day vawi-74 lawmnaah hian Parade Contigent 13, Uniform contingents- 5 leh School contingents--8 ten Parade mawi tak an entir a, Kumin Republic Day-2023 March Past hi parade commander hi Sub.Inspector Lalthlamuana Ralte kaihhruaina hnuaia neih a ni a. Kumin parade Contigent lam thiam ber thlanchhuah te chu:-

Uniform contingent atangin:
1st ---NCC,Don Bosco School
2nd----NCC,Gov't High School
3rd ----MRHG&CD
School contingent atangin
1st---Hill Gate School
2nd---Auxilium English School
3rd----Lorrain English School

Parade Contigent lawmman dawngtu te hian Citation leh tangkafai an dawng hlawm a ni. Republic Day lawmna pual hian Men's & Women's- Volleyball tournament buatsaih a ni a. Mipa team Champion--- Model United Volleyball Club, Runner Up--- Southern Spiker ,Hmeichhe team Champion --- Chhimkum Volleyball Club, Runner Up-- Siahatla Volleyball Club te an ni.

Republic Day-2023 lawmna pual hian Siaha district chhunga Hospital, orphanage Home, Jail etc. a vaiin 9 te hnenah present atan Rs.3000/- theuh(a vaiin Rs.27,000) pek an ni bawk.