No.4288/2021-2022
Aizawl; the 16th March,2022: Vawiin khan Siaha-a SAGY(Saansad Adarsh Gram Yojana) hnuaia kan Rajya Sabha MP Pu K.Vanlalvena'n Model Village atana a thlan PHURA khua a Department tin ten hma an lak dan turte sawiho turin thukhawm.

Meeting hi district bawrhsap Pu Lalsangliana'n kaihruaiin,vawiin meeting koh a nih chhan sawiin,
MLA leh MP ten Model village an lo thlang tawh thin a. Chuta tanga thil lang chiangta chu, Model village hlawhtlin leh tlin loh hi a viltu department te lam ai mahin a khawchhung mipui teah a in nghat zawk a ni. Vawiin meetingah hian Department tin kalkhawm te chuan kan Department atanga theuh va, Phura khuaa kutthlak theihna kan nei te theuh, thlir hova, huangzau taka sawiho tur meeting kan ni, a ti.
Pu Lalhmingliana, SAGY Charge Officer leh BDO Tipa RD Block ni bawk chuan keynote Address neihin, Model village atan hian ahran ahraia Sawrkar laipui atanga pawisa sanction a awm lova, CSS leh sawrkar hmalakna hrang hrang, India ram leh Mizoram ngeiah pawh kalpui mek te hi, a nihna tur ang taka kalpui leh hmasawnna a hrinchhuah tur ang taka a hrinchhuah theihna tur leh khaw dang te pawhin an entawn tura Model village atana Phura khua hi thlanchhuah a ni, a ti.

Pu Donny Lalruatsanga, Addl DC pawhin thu sawiin, Model village atan hian a hrana sawrkar laipui atanga Sum pek a ni lo, kan ti mek lai hian Department tin ten an ti tur theuh an ti ngei dawn avangin Model Village a thlanchhuah te hi khaw dang ai chuan an ni hlawh zawk loh theih loh a ni. Chutiang atana chuan Phura Khaw mipui pawh an rilru lo sangmar a, khaw dangte entawn tlak tura tan la turin ka ngen hlawm a ni, a ti.

Head of office thahnem takin an department atang theuhva Phura khuaa an hmalak theih tur te report pein,sawihona neih a ni.

Pu Abraham Beirazi Khithie PD,DRDA leh Pu VL.Lura Hauzel,SP te pawhin thusawina hun neiin, Phura khua mipuite fuihna thu tha tak an sawi a ni.

Vawiin meetingah hian Head of Office te bakah Phura khuaa VC member te an tel a ni.