Tukin zing dar 8:00AM Khan Mizoram chhunga District capital dang te rualin P&E Office kawtah Bialtu MLA Dr.K.Beichhua'n Pradhan Mantri Sahaj Bilji Har Ghar Yojana/ Saubhagya a tlangzarh.

India sawrkarin chhungtin ten Electric kan neih theihna turin Pradhan Mantri Sahaj Bijki Har Ghar Yojana cheng vaibelchhia Rs.16320 senna tur project chu India PM chuan nikum September ni 25 khan a hawng a ni.

He project atang hian thingtlang mi nuai 400 te chuan Electric Eng an neih theih phah dawn a ni. He hna pawimawh tak hi kumin 2018, December thla ral hma ngei a zo hman tura ruahman a ni.

Saubhagya thil tum te chu:

1) Chhungkaw tin hnena Electric connection awlsam zawka pek

2) Chhungkaw khawsak harsa zualte hnena a thlawna Electric connection pek

3) Inkalpawhna tha neilo khua hnena Ni eng chakna(Solar Photo Voltaic) hmanga Electric eng pek

Socio Economic Caste Census (SECC),2011 data atanga chhutin a thlawna Electric Connection dawng thei leh thei lo te chu Stage 3 a thliarfel an ni dawn a ni.

He project a kan tel ve theih nan Mizoram Sawrkar pawhin Sawrkar laipui hnenah Letter of Intent(LOI) chu Nikum November ni 6 khan a lo theh lut tawh a ni.

Tunah hian District wise detail project report buatsaih mek niin, Data tul ang ang chak rakin a khawn khawm mek a ni.

Dr.K.Beichhua bialtu MLA chuan tlangzarhna programme-ah thusawiin miharsa zawk ten Electric eng an chhit ve theih nana Sawrkar laipuiin ruahmanna a siam hi, a dawngtu tur dik tak ten an chhawr tangkai theih nan P&E Department staff te chauh ni lovin tlawmngai pawl leh khawtlang hruaitute kan tan ho a ngai a ni, a ti.

Vawiin Saubhagya hawnna programme hi Er.Ngursailova, Sr.EE, P&E Division Siaha in a kaihruai a, Pu C.Thahe, SDO Tipa V Power Sub-Div in lawmthu sawina in hun a khar ta a ni.