2386/2026-2027

Siaha the 28th September 2026: Siaha District Chess Association (SDCA) bultumin vawiin khan Châhva Open Chess Tournament, 2026 chu hawn a ni a, Siaha Block Development Officer (BDO) Pi Zorinsangi chuan khuallian niin a hmanpui.

Hawnna inkhawm hi SDCA President Pu N Solomon Beihlotha kaihhruaina hnuaiah neih niin, Khuallian Pi Zorinsangi chuan inelna thianghlim, thluak exercise theihna tur tournament buatsaih theih a ni chu lawmawm a ti a, thalai tam zawk an tel theih nan SDCA hotute chu hmala turin a chah. Mizorama infiamna tam tak zingah tharum hman ngaihna a tam hle tih sawiin, thluak hmanga infiamna a tam tawkloh avangin hetiang lam hawia hmalak tam ni se a duh thu a sawi bawk. SDCA hotute chu an hmalakna a fakawm tih sawiin BDO Office chuan an thlawp tlat thu leh thawhho an inhuam thu a sawi bawk.

Châhva Open Chess Tournament, 2026 hi Nasha Mukt Bharat Abhiyan (NMBA) leh District Child Protection Unit (DCPU) te sponsored niin, mi 60 an tel a, vawiin atanga neih tan niin September ni 30 ah final khelh tura ruahmanna siam a ni.