Vawiin Chawhma Dar 11:00Am khan MADC Agriculture Training Hall-ah Seminar on the Rights of Persons with Disabilities (PwD) Act, 2016 nei a ni. Programme hi Pi N.Elizabeth DSWO,MADC chuan kaihruaiin Dr.Lalnunthara, Commissioner for Persons with Disabilities, Government of Mizoram chuan Resource Person niin he hun hi a hmanpui a ni.

Vawiin Seminar hi Pu L.Prisila, EM (Social Welfare), MADC pawhin a hmanpuiin,Pu L. Prisila chuan hetiang seminar Mizoram Sawrkar-in a resource person tha tak takte rawn tira MADC, Siaha a min rawn hmanpui thei hi kan lawm hle a ni, a ti a. Seminar chhimtu zawng zawng te pawhin an hlawkpui ngei a beisei thu sawiin, Seminar hi hlawkpui tum theuh tum turin kalkhawmte chu a chah hlawm a ni.

He Seminar hi Chawngte-ah March 11, 2020-ah nei tawh niin, Lawngtlai-ah pawh March 12, 2020 khan nei a lo ni tawh bawk.

Vawiin Seminar neihna a Resourse person Dr.Lalnunthara chuan thu sawiin, chunglam Pathian duh zawng ngai pawimawh a, a duh zawng ang zela thil kan ti hi a pawimawh hle a ni tiin, MADC hnuai a disabled person te hi kan ngai pawimawh thar hle a ngai dawn a ni, a ti bawk. Kei hi voluntary retirement ka lak hnuah he hna hi ka zawm a, ka thawpui te chuan hetiang hna ka zawm duh hi an ring lo va, ka pension hnua Chunglam Pathian duh zawng ang a hnathawk a, hetiang lampang hna thawk tam hi ka duh em vanga zawm ta mai hi ka ni, a ti. HIV, AIDS te hi Pathian chauhin a ti dam thei a, mihring in a tidam thei lo thil hi pathian chauhin a tidam thei a vangin chunglam Pathian duh zawng a thil kan ti zel hi a pawimawh em em a, Drugs ngawlvei Doctor te pawhin a an tidam thei lo hi Pathian chauhin a ti dam thei a ni, a ti. MADC pawhin Chunglam Pathian duh zawng ang a thil anti zel chuan malsawmna an dawng zel dawn a ni, a ti. Mizoram-ah hian rualbanlo 1.3% an awm mek a, Rualbanlo te tan Sawrkar pawhin 4% chu hna a hausak a ni, a ti bawk.

Vawiin Rualbanlo te dikna chanvo inzirtirna leh inhrilhhriatna hunah hian Siaha district Head of Department te, Tlawmngai Pawl hrang hrang hruaitute bakah Chanchinthar thehdar tute an tel kim hle a ni.