Vawiin chawhma Dar 11:00Am khan D.C’s Conference Hall, Siaha-ah Beti Bachao Beti Padhao, Siaha District te bultumin Siaha ah Shwachhta Pakhwada, 2017 hawnna hun hman a ni. He hun hmanna ah hian Pu V.Lalzuithanga, District Organiser DM&R chuan a kaihruaia, Pu. N. Chakhai, Additional Deputy Commissioner Siaha District, Siaha chu khuallian niin a hmanpui bawk. Hemi Programme denchhen hian Nimin khan All Women NGOs, Siaha District te chuan Siaha khawpui chhungah kawng zawhna an lo kalpui tawh bawk a ni.

Khuallian Pu. N. Chakhai chuan thu sawiin Siaha District a chengte kan lo fai a kan lo hrisel zawk nana Sawrkar hmalakna hi a fakawm rualin a mipuiten kan zawm that silo chuan engmah lo mai a ni, a ti a. Kan Prime Minister, Pu Narendra Modi hi mi changkang a nih ziah chu he a Scheme duan hrang hrang atangte hian a hriat thei a ni. Mi hrisel nih tur chuan faih hi a pawimawh a, kan taksa, kan In leh a chhehvel a lo faih chuan kan rilru alo hahdam a, rilru pawh a hrisel em em a ni a ti. Khawlai a Mipa ten kan zung mai mai thin hi bansan a hun tawh hle a ni tiin, inthlahdahna hian bawrhsawmna leh thihna hial a thlen theih a ni, a ti bawk. Ti faihtu kan nihlo pawhin, tih balhtu nihlo hram turin vawiina kalkhawmte chu a chah hlawm a ni.

Pu ZR Thasangzuala, Sr. SDO, PHED pawhin thu sawiin, Siaha District hi District hlun ber te zing ami a ni piah lama Hnam bila Missionary in neih te, Missionary ten tun thlenga an awmchilh avangte hian fai chakna thinlung hi inpu in ka hria a, amah erawh chu fai chak ni ringawt lovin ataka fai tum theuh tur leh faina kawnga tun aia nasa lehzuala tan la sauh sauh turin kalkhawmte chu a chah a ni.

Vawiin Swachhta Pakhwada, 2017 hawnna inkhawm ah hian Siaha khawpui a Hmeichhe Pawl hrang hrang te, NSS Zirlai Naupang te leh Chanchinbumi te an tel kim hle a ni.