Vawiin chawhma dar 11:00Am khan DRDA Conference Hall-ah Pi B.Malsawmtluangi Election Officer in *Swatchh Survekshan Grameen-2018* a launch.

Swatchh Survekshan Grameen-2018 hian Swatchh Bharat Mission(Grameen) hnuaia Faina kawngah hmalak tawhna endikin ranking a siam dawn a ni.
SSG-18 hnuaiah hian Mizoram State in SBM(G) hnuaia   Faina kawngah  hma kan lakdan leh hma kan sawn dan te SBM(G)   tehfung(Parameters)  hmangin Independent Survey Agency: Hindustan Thompson Pvt Ltd ten tun August thla chhung hian Mizoram  an rawn fang dawn a ni.

Vawiin SSG-18 launch-na inkhawm hi Pu C.Lalchhuanmawia EE, PHE in a kaihruaiin, Pu Isaak Lalchhuanmawia, SDO(Maitenance), Sub-Div, PHE Siaha in SSG-18 kalpui dan tur chungchang leh Siaha District chhunga Thingtlang khaw lama Sanitation an lo kalpui tawh dan leh an hmachhawp te sawina hun a hmang.

Vawiin  khuallian leh SSG-18 launch tu Pi B.Malsawmtluangi chuan thu sawiin;  Faina tluangtling nei tur chuan sawrkar leh mipui kan thawh hova, chhungtin leh  mimal tin te rilru-ah  Fai leh thianghlim duhna leh ngainatna chi nung a awm hmasak phawt ngai a ni, a ti.

Vawiin SSG-18 launch-na programme hi Pu L.Zatluanga, SDO(Rural WatSan), Sub-Div,PHE in lawmthu sawina in a khar ta a ni.

Attachment

  • Loading attachment...