2181/2024-2025

Siaha, the 24th September 2024: Vawiin chawhma dar 11:00 khan Council Vaih Multipurpose Hall-ah District Transport Office (DTO), Siaha leh Road Transport Department, MADC tangkawpin Traffic Centric Awareness program buatsaih a ni a, Dr. Manesia Khaimeichho, District Transport Officer (DTO) Siaha chuan he hun hi kaihruaiin, Pu Beirahmô Syhly Executive Member, i/c Road Transport Department, MADC chu khuallian a ni.

Khuallian, Pu Beirahmô Syhly chuan Training tura kalkhawm driver-te chu an mi phurh Passenger-te nunna an kutah a awm thu hrilhin thlamuang tak leh him taka an tum ram thlenpui chu an tih tur leh mawhphurhna pawimawh tak a ni a ti a, fimkhur leh thahnemngai takin leh dan zawm chunga mipui himna ngaituah hmasa ber thin turin a chah.

Vawiin program-a Resource Person, Pu Lalrinliana Pachuau, Motor Vehicle Inspector (MVI) leh Pu A. Lalthianghlima, i/c Traffic chuan ‘Rules of the Road Regulations 1989’, Central Sawrkarin Lirthei khalhtute tana a siam hmangin kalkhawmte chu zirtirna an pe a, zawhna leh chhanna hun te neih niin hun hlawk thlak tak hmanho a ni.

Vawiin hun hi Siaha khaw chhunga Taxi leh Auto-Rickshaw khalhtute tana buatsaih a ni a, chawhnu lamah School naupangte hnenah kawng kan dawna hriattur tul leh pawimawhte Resource person-te hian an zirtir nghal bawk a ni.