Vawiin chawhma dar 10:30Am khan DRDA Conference Hall-ah Vigilance Department, Government of Mizoram buatsaihin Observance of Vigilance Awareness Week, 2019 hman a ni. He programme hi Pu K. Vanlalthiana, Additional Deputy Commissioner in a kaihruai a ni.

Vigilance Awareness week hi kum tinin Sardar Vallabhai Patel-a pian champha phak pualin Hapta khat (28th October- 2nd November) chhung hman thin a ni a, kumin thupui atan Rinawmna - Nunphunga neih (Integrity- a way of life) tih chu thupui a hman a ni.

Pu B. Lalnghakliana, Dy. S.P. ACB, Vigilance Department chuan Dan leh hrai chungchang te, a hremna awm thei ang angte sawiin, mipui lam atanga zawhna awmte chu chhang zel a, sawifiah ngaite pawh  a sawifiah nghal zel bawk a ni.

Pu K. Vanlalthiana kaihruaina hnuaiah Thutiam sawirualna neih a ni a:-
1. Dan kaihruaina , dikna leh rinawmna ka zawm ang
2. Thamna ka pe lovang a, ka la hek lovang.
3. Ka hma a tih tur awmte chu rinawm tak leh langtlang thei turin kathawk ang.
4. Mipui vantlang thatna turin ka thawk ang.
5. Ka nunah dikna leh rinawmna entawntlak ka lantir ang.
6. Eirukna leh a kaihhnawihah, a buaipuitute hnen ka thlen zel ang. tih hmangte in kalkhawm mipuite chuan thu an tiam a ni.