Vawiin chawhma dar 10:00Am khan Gov't Said College-ah Beti Bachao Beti Padhao (BBBP) scheme bultumin hmeichhe naupangte hmakhua leh hmeichhiate hamthatna tur zir hona hun buatsaih a ni a. Pu Bhupesh Chaudhary, IAS Deputy Commissioner, Siahain a hmanpui.

He zir hona hi Pi B. Lalruatpuii, Women Welfare Officer, District Level Centre for Women (MSK)-in a kaihruai a, thupui hrang hrang zir ho a ni.

Seminar-ah hian thu sawiin; Deputy Commissioner chuan kan ram leh khawtlang hmasawnna tur atan kan vaia kan thawh ho a ngai a, hmeichhiate pawhin an theihna hre chiangin an pei pung zel tur a ni, a ti a. sorkarin hmeichhiate hamthatna tur atana ruahmanna a neihte hi kan hriat chian a ngai em em a ni,  a ti bawk.

Pu VL. Zuithanga, Project Coordinator (BBBP)-in Siaha District chhunga BBBP scheme kaltlanga sorkar hmalakna hrang hrangte a lem nena entirin a sawi a. Pi Julie Lalhlupuii, Civil Judge, District Court, Siaha-in Protection of Children from Sexual Offences (POCSO) Act 2012 chungchang sawiin, danin hmeichhe kum tling lo a humhalh dan a sawi bawk. Mary Ngurnunzami, Advocate-in hmeichhiate humhalhna tura sorkarin dan a siam chi hrang hrang a sawi a, Dr. Lalnunziri, Senior Medical Officer, Siaha-in PCPNDT Act 1994 changchang sawiin, hmeichhia leh mipa intluk tlanna a sawi bawk a ni.

Thupui hrang hrang zirhote hi kal khawmte'n zau taka  sawi hovin,  zawhna leh chhan hun hman nghal   bawk a ni.