No.4209/2021-2022

Aizawl the 9th March,2022: Vawiin chawhma khan Eye OPD,District Hospital Complex,Siaha-aWorld Glaucoma Week,2022 hman a ni.Kumin World Glaucoma Week hian The World is Bright,Save your Sight(Khawvel a mawi, i mit duat rawh) tih thupui a hmang.

He hun hi Dr Lalnunziri,CMO chuan kaihruaiin, Mit enkawlna kawnga kum 2021-2022 chhunga District Hospital hmalak report a pe nghal a. CMO report-ah chuan kum 2020-2022 chhungin mi 22 an cataract (mit naute paw) zai sak an ni a, zirlai naupang te an school-ah kal chilhin, naupang 786 mit check sak a ni a. Kum upa lam leh khawsak harsa zualte hnenah a thlawnin tarmit 839 semchhuah a ni bawk.

Mit Specialist, Dr.Laltanpuia chuan Glaucoma chungchang sawiin, Glaucoma hi mit nerve ro natna a ni a, enkawl dam thei a ni lova, a zual zel tur erawh ven thei a ni. kan ramah hian Doctor rawn lova, mitthlawrh damdawi Betnesol mahni thua lo hmang ve mai thin kan tam a, hei hian mit BP(Blood pressure) kan ti mai hi a ti sang thei a, chu chuan nerve a ti ro thei a ni. Chuvangin tumah doctor rawn lovin mitthlawrh damdawi te hi hman mai mai lo tur a ni, a ti.
Glaucoma a lo lanchhuah dan langzar zual a sawi te chu:-
1) Lu leh mit na ngut ngut
2) Chhimbal rawngin eng(light) a hual thin
3) Mit sir lamin thil a hmu lo
4) Mit in khua a hmu lo thut thut thin

Hetianga kan awm chuan mit doctor rawn vat turin Dr.Tp-a chuan Siaha district mipui te a chah a ni.Glaucoma natna hi tihdam thei lo a ni avangin, he natna vei lo tur hian a hun taka mit doctor enkawlna dawn a ngai a ni, a ti.