No.4210/2021-2022
Aizawl the 9th March,2022: Ni hnih cham tura Mizoram lo kal Vice President Pu M. Venkaiah Naidu chu vawiin khan Raj Bhavan-ah Chief Minister Pu Zoramthanga chuan hmu in an inkawm a. Governor Pu Hari Babu Kambhampati pawh he inkawmnaah hian a tel a ni.

Vice President bulah hian Chief Minister chuan Mizoram chu kum 30 chuang state nihna chang tawh mahse All India Service ah cadre hran a la neih loh chu ngaihven ngai tak thil a nih thu leh inrelbawlna tha zawk nei turin cadre hran neih state in a mamawh thu a sawi pui a. Myanmar rambuai avanga mahni sahimna zawnga lo lutte Mizoramin a lo bawisawm dan te a sawipui bawk a ni.

Vice President Pu M. Venkaiah Naidu hi vawiin chawhma khan Lengpui Airport lo thlengin, Governor Hari Babu Kambhampati bakah Health & Family Welfare Minister Dr. R. Lalthangliana leh MP (Rajya Sabha) Pu K. Vanlalvena ten an lo dawngsawng a. Chief Secretary Pi Renu Sharma, DGP Pu DC Srivastava, DGAR Brig. Digvijay Singh, leh Aizawl DC leh SP te Lengpuia lo hmuaktu zingah an tel bawk a. Raj Bhavan ah Vice President hi Deputy Chief Minister Pu Tawnluia'n a lo dawngsawng thung a ni.

Naktuk March ni 10, 2022 hian Assembly Session ah Vice President hian thu a sawi dawn a ni.

Attachment

  • Loading attachment...