No.7644/2020-2021

Vawiin chawhma dar 11:00Am khan Siaha khawpui chhunga sumdawngte tan leh Self-help groups te tan DRDA Conference Hall-ah Vendors Development Programme neih a ni a. He hunah hian Siaha DC, Pu Kesavan R, IAS chu Khuallian a ni.

Khuallian chuan Siaha Khawpui chhunga hetiang programme pawimawh tak mai Zohandco in a buatsaih chu lawmawm a ti thu sawiin, Siaha khawpui chhunga sumdawng leh Self help group ten hlawk taka an hman ngei a beisei thu a sawi. Pi Kesavan chuan sumdawnna kawnga hmasawnna kan neih thar zel a, kan thil zawrh emaw tharchhuahte hlawk zawka zawrh chhuah dan kawng kan dap zel a tul a, vawiin hi chutiang inkhawhhmuhna atan chuan i hmang ang u, tiin vendors leh SHG kalkhawm te a chah bawk.

Vendors Development Programme hi National Schedule Caste / Scheduled Tribe Hub (NSSH) hnuia Ministry of Micro Small and Medium Enterprises (MSME) Gov't of India bul tuma neih a ni. He Programme-ah hian concern Head of Office pawimawh tak tak ten kalkhawmte zirtirna an pe bawk a ni.