Vawiin chawhma dar 10:00Am khan Siaha District Bawrhsap Pu Bhupesh Chaudhary IAS chuan District Civil Hospital a tlawh a. District Civil Hospital sak lai mek pawh a tlawh bawk.

Pu Bhupesh hi Dr.Lalrosanga,DMS in lo dawngsawngin, Civil Hospital room hrang hrang te a fan pui a. An hmanrua nei te  leh an hnathawh dan tlangpui te an lo entir bawk a ni.  DMS Dr.Lalrosanga chuan Civil Hospital in harsatna hrang hrang an nei te DC hnenah lo thlenin, DC chu an harsatna te sukiang tura theihtawp chhuahsak turin a ngen a. DC  pawhin Civil Hospital harsatna te sukiang tur hian theihtawp a chhuah tur thu a sawi bawk a ni

Tunah hian District Civil Hospital-ah hian ward hrang hrang  General ward, Paediatric ward,Maternity ward, Surgical ward etc. te awmin, Hospital pumpuia khum awm zat hi 45 a ni a. Dental leh Homeopathic doctor tiamin, tunah hian Siaha District Hospital-ah doctor 12 an awm mek a. Doctor 12 te zingah hian Specialist 4 heng dept : Medicine, Gynaecology,Paediatric leh Surgery ah te hian an awm  a. Staff nurse hi regular 7 leh contractual 22, an vaiin 29 an awm mek  bawk a ni.

Bawrhsap hian Civil Hospital a Ward hrang hrang te a fan zawh hian District Civil Hospital sak mek chu  tlawhin, room tin a fang chhuak a. Hnathawktu te chu hna tha tak leh muangchang lova thawk turin a hrilh hlawm a ni. Civil Hospital Sak mek hi zawhfel a ni tep tawha, tunah hian a chhuat tile an phah mek a, July thla velah chuan zawh theih an in beisei a ni.

Bawrhsap hi Pu H.Zonunmawia Election Officer leh Pu N.Vabeiratlua, DIPRO ten an tawiawm a ni.