691/2022-2023
Siaha; the 30th May,2022: Vawiin chawhma khan Siaha district bawrhsap Pu Lalsangliana chuan a office chamber-ah PM Cares for Children Scheme,2021 hnuaia tanpuina dawngtu naupang pakhat hnenah PASS Book, PM-JAY Card leh Documents pawimawh dangte awmna file a hlan.

PM CARES for Children scheme,2021 hnuaiah hian 11/3/2020-28/2/2022 inkara Covid-19 hrileng avanga nu leh pa ten an thihsan naupang te chu kum 23 an tlin thlenga Zirna kawngah, Hriselna kawngah leh Sum leh Pai-ah chhawmdawlna tur Scheme a ni a. Mizoram atang hian district 4 atangin naupang 14 ten he tanpuina hi an dawng a ni.

Covid-19 hrileng avanga Nu leh Pa chan naupang te tan kum 18 an tlin huna Rs.10 lakh a mature turin, account hawn sakin pawisa an dahsak a. Kum 18 an tlin atangin Rs 10 lakh in a hrinchhuah a pung ( interest) chu thla tin an la thei dawn a ni. Tichuan kum 23 an tlinin Rs.10 lakh hi a hlawmin an la chhuak theih ang. MS Dawngzuala bikah chuan nakum 16/6/2023 khian kum 18 a tling dawn a, nakum July atang chuan Rs.10 lakh in a hrinchhuah apung(interest) hi thlatin a la thei tawh dawn a ni.Tichuan kum 28 a tlin hun(16/6/2028) ah Rs.10 lakh hi a vaiin a la chhuak thei dawn a ni.India ram pumpuiah district 557 atangin diltu 9042 awmin, naupang 4345 in tanpuina hi an dawng a ni.

He Rs.10 lakh bakah hian fahrah naupang te lehkha zirna tur leh awmna tur te, uniform leh zirlai bu leh note book te thlengin ngaihtuah sak an ni ang. Tanpuina sum fai Rs.4000 thla tin Ministry of Woman & Child Development kal tlangin an dawng dawn a. Ministry of Social Justice & empowerment atangin class I to class 12 an zir chhung zawngin scholarship kum tin Rs.20,000 an dawng thei bawk ang. Zirna sang zawk an zir hunah Technical line a zir te tan Swanath Scholarship kum tin Rs.50,000 an dawng thei bawk ang. PM Cares for children scheme,2021 atanga interest rulh sak turin Education Loan pawh an dil theih ang.

Heng bakah hian Ayushman Bharat Pradhan Mantri Jan Arogya Yojana(PM-JAY Card) an dawng a. He card hmang hian empenelled Hospital-ah kum khat tan Rs. 5 lakh, kum 23 an tlin thlengin an bill thei bawk dawn a ni.

Vawiina PM cares for children scheme-2021 tanpuina DC in a hlan takah hian Prime Minister lehkha thawn te, Pass Book te, SNEH Patra Certificate te, PM-JAY Card te leh lungawi lohna a awm pawha complain dan tur leh complaint thehluhna tur te, PM Cares for Children Scheme hnuaia tanpuina hrang hrang awm chanchin leh thil hriattur pawimawh dang te a awm a ni.