692/2022-2023
Aizawl 30th May, 2022 : Pu T.J. Lalnuntluanga, Environment, Forest & Climate Change Minister leh Vice Chairman, State Level Committee on Green Mizoram ni bawk hovin vawiin khan PCCF Conference Hall, Tuikhuahtlang-ah Green Mizoram Day, 2022 hman dan tur State Level Sub- Committee 9th May, 2022 a thukhawmin rawtna an siamte chu sawihona neih a ni.

Meeting chuan kumina Green Mizoram Day hmannaah tuihna humhalh leh tih pun nan thing phun uar a tul zia leh a zau thei ang bera awareness programme hmangin mipui leh zirlaite uar taka zirtir nise an ti a. 11th June, Green Mizoram Day chu Inrinni ah a tlak avangin, 10th June, 2022 ( Zirtawpni) ah hman a ni dawn a. Ceremonial Tree Planting hi MINECO mawng lam pang Tlawng lui atana dawnthleng-ah neih tura ruahman a ni a. Chief Minister Pu Zoramthanga chu khuallian atana beisei niin, Addl. Secretary chin chunglam, Head of Department leh NGO te tel tura beisei an ni.

Hemi ni hian State Level Fire Prevention Award leh Aizawl District chhunga Village Level Fire Prevention Award te sem a ni ang. Kumin Green Mizoram Day Thupui chu ‘Thing phun la, Tuihna Siam Rawh’ tih a ni. Green Mizoram Day hman niah hian kum hmasa lama Department hrang hrangin an thing phun theuh te tuaihnum tura beisei an ni.

Vawiin meeting-ah hian PCCF, EF& CC Pu Jitendra Kumar leh a thawhpuite department thenkhat aiawh te bakah NGO te an tel a ni.