631/2025-2026
Siaha the 28th May 2025: Siaha District Disaster Management Authority CEO, Pu Abraham Beirazi Khithie chuan naktuk tahrik Ni 29, May 2025 a ruah tam tham tak sur thei tur chungchangah a hnuai tarlan ang hian hriattirna a chhuah.
MIPUITE HRIATTIRNA
India Meteorological Department, Ministry of Earth Sciences, Government of India-in a hmuh lâwk danin May 29, 2025 (Ningani)-ah hian ram chhung hmun dangte rualin Mizoramah pawh ruah tam tham tak a sur dawn a. Chhung tinte mahni chènna in a him leh him loh thlithlai reng turin kan inngèn a, leimin thleng palh thei lakah pawh kan fimkhur a tul hle. Hmun him lo, leimin thlen mai theihna hmuna chengte chu mahni sa himna zawng/ngaihtuah lâwk theuh turin kan inhriattir a ni.
Village Disaster Management Committee (VDMC) leh tlawmngai pawlte pawh tanpui ngai an awm apianga che chhuak thei tura kan inrin lâwk theuh a pawimawh bawk a ni.
District Emergency Operation Centre (DEOC), Siaha pawh heng number - 9774478529/9612217758/03835 - 222055 leh Toll Free - 1077 kaltlangin a biak theih a; sorkar tanpuina mamawhte chuan biak pawh tur a ni e.
