773/2022-2023
Siaha; the 3rd June,2022: Vawiin chawhnu dar 2:00pm khan Siaha DC conference Hall-ah, Siaha district atanga kumin HSSLC examination-a Top 2 Singokhai Chozah d/o C. Thahe Chozah leh HSLC examination-a Top 6, F. Lalramzawnsangi d/o George Lalawmpuia te lawmpuina programme hman a ni.

He hun Pu Donny Lalruatsanga, Addl.DC in kaihruaiin, Rev. VL.Ngaia Hlychho,SES, ECM(Hqr) in hunserh a hmang.

Vawiin programme-ah hian District bawrhsap Pu Lalsangliana chuan thu sawiin, Zirna leh MPSC buatsaih Examination-ah Siaha district hi a thawhhlawk ber pawl kan ni mek a. Mahse a la tawk lo, hmabak kan la ngah hle a ni. Vawiina kan chawimawi mek te leh Siaha district atanga zirlai dang tam tak te hian IAS, MCS, etc te an ni thei a ni. UPSC result-ah Mizoram kan nil rei ta hle mai, kan nil tawh lohna turin Siaha district zirlai te hian chhelna leh tumruhna nen theihtawp an chhuah atul tak zet a ni; tiin, Singokhai leh F.Lalramzawnsangi te chu Siaha district leh Mizoram in an lakah beiseina sang tak neiin a thlir reng a ni; tih hre reng turin a chah hlawm bawk.

Pu C. Lalbiakzauva, DEO pawhin zirlai naupang te leh an Nu leh Pa te fuihna thuchah a sawi. MSO Hqrs president Pu JB. Rona pawhin thu sawiin, zirlai titha te tana chawimawina programme an buatsaih avangin DC leh a thawhpuite hnenah MSO(Hqrs) aiawhin lawmthu a sawi a. Pu C. Lalbiakzauva hi DEO lo awm tawh zinga tha ber leh chak ber a ni, a ti bawk.Zirlai naupang nu leh pa te atang pawhin thu sawi ngaihthlak a ni a, Chumi hnuah chawimawina thuziak (Citation) hlanna neih nghal a ni. Citation hian Rs. 5000/- a keng tel a ni.

Vawiina Chawimawi tak zirlai 2 te zinga pakhat zawk, Singokhai Chozah hi HSLC Examination-ah pawh Topper lo ni tawhin, DC office in chawimawina a lo hlan tawh hnu a ni.