2265/2026-2027

Siaha, the 18th September, 2026: Vawiin khan Siaha District Bawrhsap Pi Saizikpuii chuan a Pisa-ah District chhunga thuthar thehdarhtute a kawm.

District Bawrhsap chuan MJA te chu District chhunga Sawrkar hmalakna mipuite hriat tura puanzar kawnga thawhpuiah a sawm a, an vei zawngte leh tul leh pawimawhte a hnena thlen hreh loh turin a chah. 

Siaha District MJA President Pu CZ Hluna chuan MJA member te hmelhriattirna a nei a, DC kaihhruaina hnuaiah thu dik leh belhchian dawl thehdarh kawngah theihtawp chhuah an tum thu a sawi .

He hunah hian thuthar thehdarhtute tana Sawrkar in hamthatna a siam chungchang te, dan leh thupek kenkawh dan, ramri venhimna, ruihhlo tawlhruk leh dan lova sumdawnna dona kawnga hmalakna te bakah Myanmar atanga raltlan Siaha District chhunga awm mekte dinhmun te sawiho a ni a, MJA member te chu heng harsatna hrang hrang do kawngah theihtawp chhuahpui tura sawm an ni.