2264/2026-2027

Dated Champhai, the 18th September 2026: Champhai District Vector Borne Disease Control Programme (DVBDCP), Zokhawthar Village Council, 14th Assam Rifles, Sub-Centre thawktute leh Mercy Hospital tangkawpin September ni 16 atanga ni 18, 2026 chhungin Zokhawthar khua leh raltlante awmna hmunah Dengue dona runpui leh awareness campaign, source reduction, fogging leh health screening an kalpui.

September ni 16, 2026 ah Community Hall-ah Dengue inzirtirna (awareness campaign) hi neih a ni a, Malaria test leh Dengue rinhlelhte sample lak nghal niin, mi 720 test zingah Malaria positive an awm lo a. Dengue rinhlelh mi 77 te Rapid Diagnostic Test (RDT) hmanga test an nih hnuah mi 15 an positive a, heng te hi Civil Hospital, Aizawl-ah ELISA test tura thawn niin, mi 3 te chu Dengue positive an ni tih hmuhchhuah a ni. Hemi rual hian Pi Annie Lalhmingmawii (DVBD Consultant) leh Dr. Rajat Sinha (14th Assam Rifles) ten damlote inah kalchilhin, a ṭul dan a zirin damdawi an pe nghal bawk a ni.

September ni 17, 2026 ah Health Department leh Village Council te tangkawpin khawtlang hnatlang koh a ni a, thosi piantheihna tur tuitlingte, side drain-te leh khawlaia bawlhhlawhte mumal taka tihfai leh paih a ni a. Hemi chhung hian Assam Rifles leh DVBDCP-te tangkawp chuan Dengue damlo awmna hmun bial leh raltlante awmna hmunah thosi dawi kahna (fogging) an kalpui a ni. A ni thumna, vawiin September ni 18, 2026 hian khawtlang leh raltlante natna laka an him zual nan fogging hi an kah chhunzawm a ni.