Vawiin chawhma dar 11:00AM khan Siaha District Bawrhsap Pi Harleen Kaur IAS chuan, a Officer Chamber-ah Siaha District in  Prime Minister’s Award for Excellence in Public Administration-2017 kan dawn chungchangah MJA Siaha District te kawmin lawmna thingpui a inpui hlawm. 

Pi Harleen-i chuan he PM’s  Award For Excellence in Public Administration hi India ram pumpuia hnathawk tha chungchuang leh hmalakna thar , ram leh mipuite hmasawnna rahbi tuksaktu programme/Project/Scheme thawk tha leh hmang tangkai District leh State/UT te hnenah kum tin Civil Services Day, April 21 a Hon’ble Prime Minister in a pe thin a. Kum khatah Award 15 pek chhuah thin a ni, a ti.   PM’s Award te hi Category 2: Priority Programme leh Innovation hnuaia pek thin an ni a. 

Priority Programme hnuaiah hian heng programme te hi a awm a: 

1) PMKSY ( Pradhan Mantri Krishi Sincayee Yojana)

2) PMFBY ( Pradhan Mantri Fasal Bima Yojana)

3)DDUGJY ( Deen Dayal Upadhyaya Gram Jyoti Yojana)

4) e-National Agriculture Market

5) Standup India/ Startup India te an awm a. 

 He PM’s Award dawng tur hian State/UT te hi Group 3 a then an ni a: 

Group-I:      North-East States 8 leh Hill States 3( J&K, Himachal Pradesh leh Uttarakhand) 

Group-II:    Union Territories 7 te leh 

Group-III:   A bak zawng State 18 te a then a ni a. 

State leh UT te leh Pawl( Organisation) te tiam lovin, Priority Programme bikah hian District 599 atangin dilna 1515 a lut a. Chutiang zing atanga kan Siaha District thlan chhuah a ni hi a ropui hle a ni, a ti. 

PM’s Award dawng tur hian zinkawng a thui hle a, Thlitfimna tum nga(5) paltlang a ngai a, chung te chu : 

 Step-I: Shortlisting by Screening Commitee, He tah hian Pre- determined Parameters leh Guideline te an zawm em tih te en a ni a. 

Step-II: Shortlisting by Screening Committee, He tah hian District Bawrhsap ten Expert Committee hma-ah power point presentation an pe. 

Step-III: Evaluation by Expert Committee:  He tah hian  sawrkar laipui atangin Pi Ranjana Sharma IAS, Director, Ministry of Information & Broadcasting te, Pu Yogendra S. Awana IAS, Dy. Secetary, Ministry of Housing & UPA te lo kalin,  Siaha District-a PMKSY hnuaia hmalakna, No-aotlah Strawberry chinna hmun te, Tisopi Khuaa Women Self Help Group te enkawl Turmeric Processing Plant te leh Kaochao khua Sangha Dil te a hmunah ngei an lo tlawh (Spot Verification) a ni. 

Step-IV: Evaluation of Empowered Committee: He Committee, Cabinet Secretary kaihruai hian Expert Committee te District thlanchhuah chu zir chiang leh in,  kan Bawrhsap Pi Harleen Kaur IAS chuan Power Point Presentation a pek leh bakah, Via Com 18 ten Siaha District hnuaia hmalak Documentary film an siam te nen chik taka thlitfim leh a ni a. 

Step-V:  Approval of Hon’ble Prime Minister:  Thlitfimna Step 4 kal tlang tawh hnuah Siaha District chu PMKSY hnuaia, kan District Irrigation Plan hmangin Prime Minister chuan Award dawng tlak District-ah min ngaiin, min thlang chhuak ta a ni. 

Pi Harleen Kaur IAS chuan  PM’s Award dawn hi thil namai a ni lo va, Siaha District Mipui te hnenah he PM’s Award hi ka hlan a ni, a ti a. India ram chhunga District tamtak te zinga he PM’s Award  dawng theih a kan awm hi, mipui leh sawrkar  thawhhona that vang a ni a, a bik takin  PMKSY hnuaia hnathawktu Concerned Department  DHO Office, DAO Office, DRDA te leh Dilna leh Document pawimawh zawng zawng lo buaipuitu DC Office-a Officer te chungah lawmthu ka sawi tak zet a. He kan PM’s Award dawn hian phurna thar leh chona lian leh zual min pe se, mipui leh ram rawngbawlna  kawngah chak leh zuala kan kal theih nan tumruhna min petu ni  mawlh rawh se, a ti. PM’s Award for Excellence in Public Administration-2017 hi  April 21, Civil Services Day denchhen khan New Delhi-ah  Prime Minister  Pu Narendra Modi-an a sem a . Siaha District aiawh hian Bawrhsap Pi Harleen Kaur IAS in PM kut atanga Award hi dawng tur a ni laiin, MADC 11th General Election inpuahchah buai lai a ni avangin, Delhi-ah kal hman lovin, Siaha District aiawh hian Pu  Arvind Ray IAS, Principal Resident Commissioner New Delhi in Award hi Prime Minister hnen atangin min dawn sak ta a ni. 

He PM’s Award for Excellence in Public Administration-2017 hian April ni 1,2015 atanga December ni 31, 2016 chhunga PMKSY hnuaia hmalakna bik a thlurbing a ni.  He PM’s Award hian  Trophy leh Scroll bakah Incentive Cash Prize  cheng nuai 10 a keng tel a ni.