Vawiin chawhnu dar 3:00PM khan DRDA conference Hall-ah hmanni lawka Chapchar Kut hman zawh taka, Miss leh Runner up te  leh Best Traditional Dress(Mipa leh Hmeichhia) lawmman la te hnenah Chawimawina thuziak leh tangkafai hlanna hun hman a ni. Vawiin hun hman hi Kumin a Chapchar Kut Miss Selection Committee te buatsaih a ni a, Kumin Chapchar Kut Miss leh Best Traditional Dress thlanna hi Siaha District photographers Association kutah dah a ni a, an ni hian Selection Committee dinin, Chapchar Kut Miss hi an thlang chhuak ta a ni.

Kumin Siaha District  Chapchar Kut Miss chu Nula.K.Lalchhanhimi d/o K.Lalfakliana,New Siaha a ni a, 1st Runner Up chu Nl.Malsawmtluangi d/o Lalchhuanawma,New Colony veng leh 2nd Runner Up Nula. Vanlalzarzovi D/o Hrangduna, New Siaha te an ni a. Kan Miss thlanchhuah pathum te hi chawimawina thuziak leh tangkafai Rs.5000/-,2000/- leh 1000/- te in an hlan a ni.

Best Traditional Dress mipa-ah Jehobin Lalawmrenga s/o Vanlalhluna a ni a, Hmeichhia-ah Vanessa B.Nohro d/o N.Vabeiratlua,I&PRO a ni.Best Traditional Dress lawmman la tu te hi Chawimawina thuziak leh tangkafai Rs.500/- ve ve an dawng bawk.