Vawiin chawhma dar 11:30Am khan DC office,Siaha project duanchhuah Kawngkawhhmuhtu ( Our Children, our future) te bultumin; GHSS-ah Launching Programme of Library in selected Schools hun hman a ni.

Vawiin programme hi Samagra Shiksha,Siaha District ten buatsaihin; Pu.T.Chatlua, Addl.DPC.Samagra Shiksha chuan programme a Kaihruai a. Bawrhsap Pu.Bhupesh Chaudhary, IAS chuan khuallian niin Library hi a hawng a ni.

Khuallian chuan thusawiin; kan district chhunga zirna in hma a sawn theihna tur chuan naupang ten lehkhabu kan chhiar tam a pawimawh a. Lehkhabu chhiar tam leh zir tam apiangin hmasawnna an hmu thin a ni. Chuvangin library hi a pawimawh a naupangten kan hmang tangkai hle tur a ni.Kartin lehkhabu hi hawhin in lamah kan chhiar ang a, Social media te khawih mai mai lovin kan hun awl neihah lehkhabu kan chhiar ang. Chu chuan mi puitlingah min dawn thei a ni, a ti.

Pu T.Chatlua pawhin thu sawiin; hetianga kan education system ngai pawimawha hma min laksaktu DC kan nei hi kan vannei hle a ni, a ti.

Heng a hnuaia Siaha district chhunga Secondary School paruk (6) leh Elementary School panga(5)-ah te hian Library Facilities hi pek an ni.

Secondary school te chu:-
1. Gov't Higher Secondary School.
2. Gov't High School, Siaha
3. Gov't Siaha High School, Siaha
4. Education Vaih RMSA School
5. ECM High School
6. Gov't High School, Tipa

Elementary School te chu:-
1. Lorrain English M/S
2. N. Colony- I M/S
3. Siaha Vaihpi UPS
4. Meisatlah- I M/S
5. Girls Hostel, Tipa te an ni.