1178/2026-2027 

Siaha, 25th June 2026 : Siaha District Cooperative Union (SDCU) Annual General Conference vawi 27na chu MADC Golden Jubilee Hall-ah 'Cooperative build a better world'  tih thupui hmangin vawiin khan neih a ni a, Mizoram Co-operative Apex Bank Chairman Pu Lalnunsanga chuan hmanpuiin MADC a Deputy Registrar of Cooperative Society Pi N.Maki pawhin a tel pui a ni.

Pu Lalnunsanga chuan Siaha-ah Rural Self Employment Training Institute (RSETI) din tum anih thu sawiin thalaiten eizawnna kawnga an mamawh tur hrang hrang zirtirna hmun a ni dawn a ti. Sawrkar laipuiin Cooperative a kalpui danah Multipurpose Primary Agricultural Credit Societies (MPACS) ah a innghat thui hle tiin hei hi Gujarata cooperative society model kalpui dan a ni a ti a, Amul chu khawvela society in a enkawl company lian ber a ni tiin Mizoram intodelh theihnan cooperative hmanga hmalak tum a ni a ti a, MPACS chu Siaha-ah tangkai lehzuala hmang turin kalkhawmte chu a chah bawk.

Conference hi SDCU President Pu K. Mara kaihhruaina hnuaiah neih a ni a, Rev B. Beilua chuan hunserh hmangin SDCU/ARCS Executive Officer Pu N. Lalhmingmawia'n Annual report a pe a ni.