295/2026-2027

Dated Siaha, April 27, 2026: Vawiin chawhma dar 11:00 khan DC Office Chamber, Siahaah District Level Monitoring Cell-an ṭhukhawm a, District Level Monitoring Cell Chairman leh District Bawrhsap nibawk Pu VL Hruaizela Khiangte chuan hun hman a kaihhruai.

Chairman chuan member kal khawmte lawmna thu sawiin, Mizoram sawrkarin District Level Monitoring Cell-te thuam ṭhaa tichak (reconstitute) tura hma a lakna kal zelah kokim zawka meeting koh a nih thu leh mipuite tana thawktu annih angin eirawngbawlna gas (LPG) leh tuialhthei (POL) Siaha district tana lo kal chu hmun danga pawhpen leh chheprelh emaw man to zawka hralh duhna emaw avanga dan kalha thiltih a awm loh nan lungrual taka thawhho a ṭul thu a sawi.

DCSO leh Member Secretary, District Level Monitoring Cell nibawk Pu M. Vanlalduata chuan ni tin Mizoram sawrkar food, civil supplies & consumer affairs department-ah district chhunga LPG leh POL stock zat thehluh (report) ziah ṭhin anih thu leh LPG bikah chuan commercial mamawhte tan DCSO hnenah dilna ziah tur a ni a, form siamsa hmangin state-ah dilna thawn phei niin state lamin phalna an pek hnuah chiah pekchhuak theih anih thu a sawi bawk.

Vawiin ṭhutkhawmah hian member-te an tel kim hle a, chungte chu: Siaha leh Tipa LPG Distributor, All Mizoram Petroleum Dealers Association aiawh leh District Consumer Union aiawh an ni a, harsatna an tawh hrang hrang an sawi bawk. Chairman Pu VL Hruaizela Khiangte chuan, district level-a hmalakna tur hrang hrang (term of reference) tarlangin, member-te chu mipakhatin hlawkna a telna tur aiin mipui nawlpuiin an chhawr ṭangkai theih dan tur zawnga hmalakna kalpui tur leh endikna kalpuitu tur nichunga dan phal loh anga chet chu thil inhmeh lo anih avangin dan kalhin tu mah che lo turin a chah bawk. Chairman-in lawmthu sawina a nei a, ṭhutkhawm ṭin a ni.