No.802/2021-2022

Siaha; 3rd June,2021: Vawiin chawhnu dar 1:00Pm khan Circuit House kawtah Sericulture Minister Dr.K.Beichhua chuan SEDP hnuaia Silk Samagra a tlangzarh.

He Silk samagra tlangzarh inkhawmah hi Pu Kesavan R,IAS Siaha DC in Kaihruaiin, Pu B.Zonuntluanga, DSO, Siaha-in technical report a pe bawk a ni.

Silk Samagra tlangzarhnaah thu sawiin, Dr.K.Beichhua chuan hotute duhsakna changin, Minister ka han ni ve a, kei doctor in Sericulture kan han enkawl tur chu, a tirah chuan ka huhphurh ru hle a. Mahse engkim a inzirchawp thei a lawm tiin, India rama Silk hmunpui Bangaluru leh Mysore-ah zuk kal chilhin, Silk pangang khawi dan, silk lazai an lakchhuah dan leh silk Sari an siamchhuah dan te thlengin ka zuk en bakah Bangaluru a Central Silk Board ka zuk tlawh chu min lo lawm thiam khawp mai a, "Minister min tlawh hmasa ber tu i nih avangin keini'n Fund kan pekchhuah theih chin chu Project lo siam la, i constituency atan kan pe dawn che nia" min ti a. Mizorama ka lo haw ve leh Sericulture Dept hotute chu Muga Silk Development in Siaha District DPR cheng nuai Rs.1193.53 man ka siam tira, kan thehlut ta a ni.
Tichuan CSB chuan 1st installment cheng nuai Rs.420 an lo sanction a. Hei hi district dang te thik phak rual a ni lo, Mizoram huapzo tur Project tam tak Ministry of Textile-ah kan thehlut tawh a ni, a ti.

Minister chuan he Muga Silk Development in Siaha district, 1st installment-ah hian party- party sawi lovin, a taka hna thawktu tur, ram 1Ha khat tal nei bawk uluk taka vawi 2/3 survey neih a nih hnuah, khaw 21 atangin beneficiries 400 kan thlang chhuak a ni, a ti.

Muga Silk pangang hi Assam state atang chhuak a ni a, Som (Persea bombycina) hna ei a ni a, Som hi Mizo ten Bul thing kan ti te zinga mi a ni a, kum 4/5 ah a puitling thei. North-Eastern state te zingah chuan Mizoram hi Muga Silk pangang khawi nana sik leh sa thatna ber pawl a ni a.

1st installment-ah hian Pre-Cocoon Sector buaipui phawt a ni ang. Tunah hian Gauhati atangin Bul tiak 1,00,000 siaha thlenpui tawh a ni a, hei hi beneficiaries 400 te hnenah DSO in a semchhuak dawn a ni. 2nd installment-ah chuan Som hi Siaha district chhungah ngei nursery siama kuitiah tum a ni.

Silk Samagra hnuaia hmalakna hi kan beneficiries ten rinawm leh taima taka an kalpui phawt chuan, tun atanga kum 5/6 ah chuan thingtlang khaw lama chhungkaw tam tak chu pension hlawh nei ang; an ni tawh ang, minister chuan a ti bawk.

He Muga Silk pangang te hi Silk pangang dangte aiin enkawl a nuam fe zawk dawn a ni. A hran te a tray-a a chaw pek a ngai lova, Som thingkungah lawnin, ni 50 vel Som hnah a va tlan hnuah, Cocoon turin amahin a lo chhuk leh mai dawn a ni.