Vawiin chawhnu dar 1:00pm khan  Siaha DC's Conference Hall-ah kan hma lawka General Assembly Election lo awm tura Siaha District tana  Election Commission of India in Expenditure Observer tura a ruat Pu Samir Kumar Jha , IRS ,Jt.Director,Revenue Dept,  New Delhi a thawk lai chuan Siaha District Election Expenditure Monitoring (EEM) team hrang hrangte meeting a neih pui.

Expenditure Observer Pu Samir chuan, tun tuma ka lo kal hi chu Siaha District hian Election Expenditure Monitoring hna thawk tur hian in inpuahchah tha tawk em.? Expenditure Monitor tura Team pawimawh hrang hrang din tur te in din fel thlap em? Team hrang hrang ten intih tur in lo ti em.? ti en thlithlai tur leh concern official te nena  inhmelhriattirna  hun nei tura  lo kal ka ni deuh rih a.  Siaha District hian In lo inpuahchah tha hle ti he meeting atang hian ka hria a, ka lawm hle a ni, a ti.

November ni 15-a a lo kal leh hunah chuan inthutchilha hna tak tak thawhdun a nih tur thu a sawi bawk.

Pu Samir chuan Team hrang hranga official te chu harsatna an nei emaw, zawh duh leh hriat duh an nei  chuan inthlahrung hauh lo va amah chu be zel turin a chah hlawm bawk.

Expenditure Monitoring hi team work a nih a. Team hrang hrang te  inlungrual tak leh inpawh taka kan thawhho a ngai a. Kan mawhphurna theuh tha taka kan hlen theih nan Election Compendium kan bih nguna, kan mawhphurhna theuh kan belh viau a ngai a ni, a ti bawk. Candidate tinte sum hmanral kawng tinreng chu Election Commission of India in dan a siam ang thlapa endika umzui a nih zel tur thu Pu Samir chuan a sawi bawk.

Vawiina Meeting-ah hian Election Expenditure Monitoring Team hrang hrang heng:-

Asst. Expenditure Observers te, Accounting Team, Flying Squad, Static Surveillance Team, Video surveillance Team, Video Viewing Team, MCMC leh Control Room te an tel kim hle a. Pu Samir hi Pu James Lalnunmawia,RO 39-Saiha AC leh 40-Palak AC, Pu H.Zonunmawia, EO, Pi Lalnunmawii, ARO, 39-Saiha AC,Pu Zoramsiama Hmar,ARO 40-Palak AC te leh Pu N.Vabeiratlua, DIPRO ten an tawiawm a ni.

Attachment

  • Loading attachment...