1086/2022-2023
Siaha; the 29th June,2022: Vawiin chawhma dar 11:00Am khan DC conference Hall-ah Siaha Town chhunga Traffic management chungchangah District Traffic management Committee member te thu khawm.

Vawiin meetingah hian Siaha khawpuia cheng mipui te chu polite tak leh mikhual lakah pawh hawihawm taka pawn lam mi ten min hriat laiin, Kan lirthei khal dan leh park danah te, traffic manners-ah te leh Kawngpui nepchep zawnga chet lakna kawngah te zirtur kan la ngahin, district dang kan tluk loh hle thu sawi chhuah a ni.

Tuna chinah chuan Traffic rules leh Motor Vehicle Rules bawhchhia te, Kawngpui nepchep zawnga In sa te, Insakna leh dawr bungrua dah te leh Kawngpui ti hmelhem zawnga chet la te chungah chuan dimdawina tel lova an chunga Dan anga hremna chelek zel tawh turin meeting chuan a rel. Driver te tan Awareness campaign pawh neih tura rel a ni.

Kawngpui nepchek zawnga chetlakna chungchangah pawh Concern Dept,Joint VC leh NGOs te nen Joint Inspection pawh neih thuai tura rel a ni bawk.

Inrin Ni zingkara 6:00Am-9:00Am inkara New Siaha leh Lorrain Market kawng No Vehicle Zone a puan te, Traffic lamin No Entry a an puan kawng te pawh kalpui chhunzawm zel turin meeting chuan a rel bawk.