No.1916/2021-2022

Siaha; the 18th August,2021: Vawiin chawhnu khan Siaha DC charge la mektu Pu B.Lalchhawntluanga kaihruaina hnuaia, DC office,PWD, Police,LAD,MADC Road Transport Dept,MADC, MTP(H) leh Joint VC te tang kawp chuan Siaha khawpui chhunga kawngpui te dipdal leh nekchep a nih dan an enfiah.

Tarik ni 6 August,2021 khan Siaha khawpui chhunga kawngpui kam/sira Insakna chakkhai, Dawr bungrua etc.dah khapna Thupek, DC Siaha Pu B.Lalchhawntluanga, chuan a lo chhuah tawh a. Vawiin a Inspection neih tak hi, Chu Khapna Thupek bawhzuina chu a ni.

Vawiin kawngpui enfiahnaah hian Insakna leh Dawr bungrua kawngpui sir dah hmu tur a la awm nual bakah Kawngpui nek rana luhka Step leh Garage-a luhna tur Ramp siam an awm nual bawk. Inspection team te chuan dan bawhchhia a /insakna chakkhai leh dawr bungrua kawngpui sir dahtu te chu, an bungrua thenfai hma leh thenfai hnu (Before & after) thlalak arang lama LAO,MADC hnena thawn vek turin an hrilh hlawm a ni.

Pu Chhawntluanga chuan, kan insakna hmun hma in a zir thlawt loh avanga, inthlahrung taka kawngpuia insakna chakkhai loh indah lailawk te chu, an thil dahdan atang pawhin a hriat thei a, kan hrethiam lutuk. Chutiang ni lova, kawngpui hi an ta emaw tia, mipui zahpahna nei map lo ho hi a ni mi tana hnawksak thin, a ti.

LAD,MADC atanga Permit nei lo chuan kawngpui sirah eng bungrua mah dah lailkawk pawh phal a ni lo. Chutianga permit nei lova, kawngpui sira bungrua indah an awm chuan LAD,MADC ah permit la vat tura hriattir an ni bawk. Kawngpui enfiah hna hi atam zawk chu zawh tawh a ni a, naktukah chhunzawm leh tur a ni.