1641/2023-2024

Dated Siaha 25th August 2023: Tukin zing khan Pi K. Lalrinzuali (IAS) Secretary, Disaster Management & Rehabilitation Department leh District Official- te chuan New Colony leh College Vaih- a lei chet thinna hmun ( Sinking area) chu a hmunah tlawhin enfiahna an nei a. Pi K. Lalrinzuali chuan lei chetna hmun chu sawrkarin a ngaipawimawh hle tih sawiin Chief Minister pawhin DPR chu Ministry of Home Affairs- ah vawi tamtak a thehlut tawh a ni, a ti. National Disaster Management Authority (NDMA) ten siamthat ngai lai an rawn hriattir angin DPR thar siam turin DC Office lamah hriattirna pek tawh a nih thu a sawi a. Pu Lalhmunsanga Hnamte, Deputy Commissioner, chuan tun dinhmunah District Disaster Management Authority (DDMA) hmalaknain Concept Paper peihfel a nih tawh thu sawiin DPR thar siam tur Firm thlangfel tura hmalak mek a ni, ati.

Fur khaw cheng leh ruah sur nasat hun lai a nih avangin lei chetna hmuna awmte chu fimkhur leh inralring tak awm turin sawrkar hotute hian chah nghalin, tun dinhmunah lei hnuaia tui lut tam lutuk tur ven chu pawimawh hmasa nia an hriat thu sawiin, a theih ang ang a hmalakna siam an tum thu an tarlang bawk.

DM & R Secretary hi Deputy Commissioner, SDO (Sadar), SDC, SDO (PWD), Sr. LAO (MADC) te bakah Village Council (VC)- New Colony leh College Vaih-ten a hmunah an tawiawm a ni.