113/2024-2025 

Dated Siaha 9th April, 2024 : Vawiin khan Government High School, New Siaha, ah kumin MP (Lok Sabha) inthlanpui 2024 lo awm tura Siaha District chhunga Assembly Segment pahnih - 39-Saiha (ST) leh 40-Palak (ST) - a Polling Official-te tan training thawhhnihna neih a ni a, 'Poll Star' tan training hi neih nghal a ni bawk.

Vawiin training-ah hian Inthlanna felfai leh thianghlim a awm theih nana thiltih ngei ngei turte leh tih loh turte, EVM hman dan leh EVM khawl a chhiat emaw chianlohna a awm palh a hmalak dan tur bakah thil pawimawh dangte zirtirna pek an ni.

Training hunah hian 39-Saiha (ST) leh 40-Palak (ST) Assembly Segment - a Polling Official- te hi District Master Trainer  - Pi R. Lalnunkimi, Pu Ngurthansanga,  Pu H. Lalbiaknia leh  Pu Thomas Maratha Hlychho ten training an pe a, zawhna leh chhanna hun bakah thil hriatthiamloh inzawhfiahna hun hman nghal a nia. Pu V. L. Zuithanga, District Master Trainer chuan Poll Star- training a neih pui bawk.