326/2024-2025 

Dated Siaha, 20th April 2024: Vawiin chawhma dar 11 khan Pu V.L. Hruaizela Khiangte, District Election Officer kaihhruaiin DC Mini Conference Hall- ah 'Post Poll Scrutiny' neih a ni a. Siaha district hnuaia Assembly Segment pahnih - 39- Saiha ( ST)  leh 40-Palak (ST) atangin Polling Satation pathum ve ve thlan chhuah a scrutiny hi neih niin, Senior Micro- Observer - Aman Sahu chuan a telpui bawk.

Pu V.L. Hruaizela Khiangte, chuan felfai leh ralmuang taka vote thlak fel a ni chu lawmawm a tih thu sawiin, election official leh political party - te thawhrimna bakah mipuite tawiawmna tha tak a awm vang a ni, a ti. Election Official -te chu mihring ve tho an ni a, tihsual palh awm thei a ni a, insawisel leh chhirtheh lo a, siamrem dan zawn a tul chang a awm fo tiin inhriatthiamna neih  a tul hle a ti. Post Poll Scrutiny chu Election Commission of India in a phut leh duh ang a neih thin a nih thu sawiin, Pu V.L. Hruaizela Khiangte chuan political party aiawh lo kalte chungah lawmthu a sawi nghal a ni.

Vawiin post poll scrutiny-ah hian Form 17 A ( Register of votes),  Form 14 A ( Blind and Infirm voter), Visit sheet, Presiding Officer’s diaries leh document dang pawimawhte en felin chik taka endikna a nei a, political party aiawh kalkhawmte nen fel hlel awm lova an pawm tlan vek avangin scrutiny hi tluang taka zawh fel a ni.

Vawiin post poll scrutiny-ah hian District Election Officer leh Senior Micro Observer bakah Deputy DEO, Election Officer leh Election Officials- te political party hrang hrang aiawhte an telkim vek thei a, Scrutiny process hi video a cover vek a ni bawk.