2476/2025-2026

Siaha 2nd December,2025: Vawiin khan DIET, Siaha District buatsaihin 'Workshop on Post Parakh Rashtriya Sarvekshan and Training on the Holistic Progress Card' hawnna MADC Golden Jubilee Hall-ah neih a ni a. Pu Abraham Beirazi Khithie, Addl. DC chuan hmanpuiin Workshop hi a hawng.

Pu Abraham Beirazi Khithie chuan kalkhawmte hnena lawmthu sawina neiin, hlawk taka hun hmang tura Worshop - a hawn thu a sawi a. Ram leh hnam hmasawnna leh changkanna turin zirna chawisan a pawimawh tak zet a ti a. Zirlai naupangten thiamna tak tak nei turin Zirtirtute an pawimawh hle tih tarlangin, naupang hriatthiam theih zawnga zirtirna pek kawngah theihtawp chhuah turin zirtirtute a chah a ni. Addl. DC chuan 'Workshop' tha taka neih a nih theih nan duhsakna hlanin, hmalak leh tan ngaih zualna ah te theihtawp chhuah turin a ngen nghal bawk.

Vawiin hun hmannaah hian  DEO Siaha, EO, MADC,  MADC Education Department  Official-te, BRCC leh CRCC-  te bakah School thlanbik aṭangin Headmaster leh Zirtirtu pakhat ṭheuh an tel thei a. Workshop - hian  ni  hnih chhung  2nd December - 3rd December, 2025 thleng a awh ang.