Champhai District chhunga AH & Vety sector a NLUP 2nd Phase hnuaia Sial leh Bawng vulh thlangtute hnenah Final installment tanpuina sem chhunzawm zel niin, vawiin khan Champhai Distribution Centre leh Hnahlan Distribution Centre-ah chhungkaw 175 te hnenah 3rd instalment tanpuina sem a ni.

Champhai Distribution Centre-ah hian Champhai DVO Pu Lalchhungnunga Pudaite chuan NLUP hamthatnate hi DVO Office-ah semin,  DVO chuan rinawm tak leh dik taka tite hnenah sorkar in atul ang zelin chhawmdawlna a pe dawn a,  hlemhle taka heng hamthatna tiriraltute chu sorkar in a puih chhunzawm dawn loh thu a sawi.

Champhai Distribution Centre hian khaw 14 huamin, Tlangbawng vulh thlangtu chhungkaw 37 leh Sial vulh thlangtu chhungkua 9, an vaiin chhungkua 46 an awm a.  Chhungkaw pakhat tan Ran vulh tur 2 leina atan Rs 60000/- theuh pek an ni.

Vawiin vek a hamthatna sem chhuah Hnahlan Distribution Centre hian khaw 10 huamin, Tlangbawng vulh thlangtu chhungkaw 95 leh Sial vulh thlangtu chhungkaw 34,  an vaiin chhungkaw 129 an awm thung a.  Vawiin a AH & Vety Department in NLUP hamthatna a sem dawngtute hi Tlangbawng vulh thlangtu chhungkaw 132 leh Sial vulh thlangtu chhuangkaw 43 an ni. Nimin khan Khawzawl centre atangin chhungkaw 47 hnenah tanpuina hi sem a ni bawk.