1923/2023-2024

Champhai the 18th September, 2023 - Environment, Forests & Climate Change (EF&CC) Department hmalaknain Champhai District Mizoram Journalists' Association Member pakua leh Information & Public Relations Department Official mi 3 te chu Sikkim ah Press Study Tour an nei dawn a. Tukin zing dar 7 khan EF&CC Minister Pu TJ Lalnuntluanga’n CHANEM tual atangin a vailiam (Flag Off) a ni.

Hemi puala CHANEM kawta inkhawm tawi Champhai DIPRO Pi C. Lalremruati kaihhruaiah EF&CC Minister Pu TJ Lalnuntluanga chuan Sikkim Press Study Tour chuan rah tha tak chhuah tura a duh thu sawiin kan Environment humhalh leh siam that kawnga hmalakna kal zelah Sawrkar leh khawtlang tha ti chak tu anih ngei a beisei thu a sawi a. Khawvel changkang chho zelah hmasawnna hrang hrang leh environment humhalh kan kalkawp tir thiam zel a tul thu sawiin EF&CC Minister chuan Champhai leh a chhehvelah Nature Learning Centre, Botanical Gardens te pawh ruahman chhoh zel niin Tourism lam hmasawnna turin Sawrkar Laipui scheme Swadesh Darshan kaltlangin Tlangsam ah Project kalpui tum anih thu a sawi a. Sikkim a an hmunhma tlawh tur hrang hrangte - ICAR-National Research Centre for Orchids, GB Pant National Institute of Himalayan Institute, Kanchendzonga National Park te hmalakna te chu uluk leh chipchiar taka inzir tur leh Department finchhuaha, mipuite zirtir chhawngtu ni tura theihtawp chhuah turin Press Study Tour kalte chu a chah a ni.

Press Study Tour zin chhuak turte hian Sikkim Sorkarin hma an lak dan te an zuk zir dawn a, Champhai hmuna Nature Learning Centre, Botanical Garden, Mini Zoological Garden leh Nagar Van din thar atana thil tul leh pawimawh nia an hriat te pawh an zir nghal tura ngaih leh beisei an ni. An zinna hian Champhai leh Mizoram tan rah tha tak a chhuah ngei beisei a ni.

He Press Study Tour hi IPRO Dr Lallawmkima Thangluah in a kaihruai dawn a. Ruahmanna an siam ang chuan heng mite hian September ni 18, 2023 ah Champhai chhuahsanin, September ni 20, 2023 ah Gangtok khawpui an lut ang a, he hmunah hian zan li (4) an riak ang.

September ni 21, 2023 chawhma ah ICAR-National Research Centre for Orchids an tlawh ang a, chawhnu lamah Sikkim Himalayan Zoological Park an tlawh ang.

September ni 22, 2023 ah chuan chawhma lamah GB Pant National Institute of Himalayan Institute (Nature Learning Centre and Orchidarium) an tlawh ang a, chawhnu lamah Kanchendzonga National Park an tlawh leh ang.