514/2023-2024
Aizawl the 19th May, 2023 : Aizawl Bawrhsap Dr. Lalhriatzuali Ralte, IAS chuan silai chungchangah a hnuai ami ang hian thuchhuah a siam.
Tunlai hian mi thenkhat in silai leh a kaihhnawih - Silai Licence, Register loh silai, silai mu etc. an zuar thin tih hriat a ni a.
Hemi chungchang a mipui mimirte kan lo fimkhur zawk nan a hnuai a mi ang hian thupek chhuah ani e :-
1. Tupawh silai lei/zuar tur chuan a silai lei/zuar tupa nen valid Arms Licence an nei ve ve tur a ni.
2. Silai lei/zuar tur chuan phalna lehkha hi an awmna District Magistrate hnenah lak hmasak ngei ngei tur ani.
3. Dan in a phal ang ni lova silai leh a licence zawrh te, Register loh silai zawrh te leh licence nei lo hnena silai hralh te hi Dan kalh a ni.
4. Mahni hminga licence nei lova silai kawl hi Section 25 of Arms Act, 1959 angin a rei lo berah kum 3 lung in tan theihna a ni.
5.Arms Rules, 2016 hman a nih atangin mimalin midang silai retainer anga an kawl theih thin pawh tih tawp a ni tawh bawk.
Chuvangin, Section 3 (1) of Arms Act, 1959 in a tarlan angin silai (firearms) hi mahni hminga silai licence nei te chauhin an kawl thiang a, hetianga Dan in a phal loh thil ti lui te chu an licence tih tawp sak bakah Dan ang a hrem an ni ang.
