Sawrkar laipui thupek Arms Rules, 2016, dt. 15th ,July, 2016 angin, Silai chi hrang hrang kawltu leh neitute chuan an awmna District Magistrate/District Bawrhsap Office-ah ni 30th June, 2017 chhungin Licence neih hman vek tur a ni. Heng silai, Airgun Calibre .177 leh a aia lian, Pistol, Ulhbun, Rifle leh puak thei Silaimu hmangte bakah Battery hmanga tihpuah theih chi silai leh silai ang taka siam (firearm replica) zawng zawng te a huam vek a ni.
Mizoram Rifle Association leh a hnuaia inziaklut te tih loh, silai neitu zawng zawng te chuan District Magistrate-in huntiam a pek chhung ngeiin District Magistrate, D.C. Office(Arms Branch) emaw SDO(C) emaw BDO hnenah an silai kenga inhriattir vek turin Sawrkarin thupek a chhuah a ni.
Thupek zawm lo te chu Arms Act, 1959 leh Arms Rules,2016 tlawhchhana hrem theih an ni. Arms Act,1959 leh Arms Rules,2016-in thuneihna a pek, thuneitute hnen atanga Licence nei chauhin Airgun te pawh an hralh thei tawh ang.
A chunga tarlan ang hian Aizawl District chhunga Silai Licence siamtir tur zawng zawng te chuan Ni 30. 06. 2017 ral hma ngeiin thuneitu te hnenah silai kenga in report vek tura hriattir an ni.
