2107/2022-2023
Dated Serchhip, the 29th September, 2022: Serchhip bawrhsap Pi Nazuk Kumar, IAS, chuan silai siamtute hriattur hriattirna hetiang hian a tichhuak.

Serchhip district chhunga silai siamtu (gunsmith) ten a hnuaia tarlante hi an hriattur leh zawm ngei ngei tur a ni.

1. Gunsmith license nei lovin silai siam/khawih that hna an thawk tur a ni lo.

2. The Arms Rules, 2016 Part IV a inziak angin, silai siamtuten silai siamna leh a that leh that loh enchhin nan hmun fianrial, mipui vantlang tana hmun him chinah chauh an siamin an awm tur a ni.

3. Gunsmith licence neite pawhin an siam/khawih theih chin minor repair bikah Arms rules 2016-a Rule 77-na Form IX-A leh major repair bikah Form IX-a inziak angin siam/khawih phalsak an ni a, tualchher silai siam chhuah hi Arms Rules, 2016-a ziak angin khap bur a ni.

4. Kangmei laka mipui vantlang an lo him zawk nan kangthelhna (firefighting devices, adt.,) hman theihin an hung / kawl reng tur a ni.