1. Indian Army-a lut duh Mizo thalaite tan January ni 15, 2014 hian Rajiv Gandhi Stadium, Mualpuiah sipai lak runpui neih a ni ang. Nikum May thla a sipai lak hnuhnun ber khan candidate 6,000 lai intlar in, chung zinga 207 chu lak an ni a, training centre-ah September 2013 khan tirh fel an ni tawh a ni. Army hotute chuan kumin hian kum hmasa aia tam candidate an intlar beiseiin tum tumah hian an inbuatsaih mek a ni.

2. Army Recruiting Office, Aizawl-in a tarlan danin Soldier General Duty leh Tradesmen category tur hi January ni 15, 2014 (Army Day ni bawk) hian candidate zawng zawng tan neih a ni ang a. He category hi Mizoram khua leh tui dik tak ten an dil thei ang a. Hengah hian sipai tang lai mek leh bang tawh fa te, hmeithai/indona in a hmeithai tak fa te, sports lam a tithate leh NCC Certificate neite a huam a ni.

Soldier Technical, Clerk, Soldier Technical, Inventory Management leh Soldier Nursing Assistant lakna hi January ni 16 leh 17, 2014 ah neih a ni ang a. Heng category atan a qualification hniam ber chu Class XII emaw a tlukpui a English, Mathematics, Physics, Chemistry, Biology la emaw, heng subject combination hrang hrang nei emaw a ni. Heng ni ah hian North-East State hrang hrang atangin a intlar thei ang a. India Hmarchhak state pasarih a Gorkha cheng ten Soldier General Duty category atan ni 16 January, 2014 ah an dil thei dawn bawk a ni.

Candiate-ten sipai lak chungchanga hriatchian duh an neih chuan Army Recruiting Office, Aizawl telephone number 0389-2351166 leh 0389-2351518 ah an zawtfiah theih ang.

3. Candidate-te chu Rajiv Gandhi Stadium-ah zing dar 6:00 AM hma in an thleng tur a ni a. Sipai a intlar tur te chu an kum, education, san zawng leh rih zawng finfiahnate, awm len lam tehna te, medical certificate-te nei fel hmasa tur a rawn an ni. Beng fai tawka enkawl tur niin, beng fai leh hrisel tawk loh avangin hnawl theih a ni a. Heng criteria hrang hrang phaklo chu in candidate lo tur a rawn lawk an ni e.